Sama sa pako sa alindanaw
Gugma ko dili dali mahanaw
Kung mubiya ka
Magpagbiling, malaumon sa imong pagbalik
Apan hatagi lang ug higayun
Na ang adlaw musalup sa kadagatan
Ug ang kangitngitan
Mao'y timaan sa atong gugma
Ikaw ang kalayo, ako ang kandila
Na ginatunaw mo sa kamingaw
Ikaw ang kadasig, ikaw ang pangandoy
Na kanunay kong gina-asoy
Ikaw ang kagahapon nga di ko makalimtan
Ug ugma nga akong ginapangandaman
Apan kung di kana gyud kapugngan
Di na taka palisdan
Ang imong kagawasan mao'y timaan
sa akong gugma
Apan hatagi lang ko ug higayun
Na ang luha musinggit sa kahilum
Luyo sa imong pahiyum
Ako usa ka dahong laya
Nga nahulog sa yuta
Apan timan-i ni inday
Na karon man ako nalaya
Paabuton ang panahon
Nga mamupo ka ug gugma
Di man karon
Tungod sa atong sitwasyon
Tungod kay layo ka
Mas gipili na magbuwag ta
Apan tungod niana
Mas gipalangga taka.
