MAHIKA NG PAGTATAKA

MAHIKA NG PAGTATAKA

Ituring mong di ito iba sa mata ng mga batang ulila

Isipin kung anong kulang ng kahapon, ngayon bukas at kasalukuyan

Ang mahika ng pagtataka ngayo’y nasa pinto na

Kinakatok ka ng kaba upang ikaw ay magtaka

Gumawa ka’t maglikha ng di tulad ng iba

Patunayan mong hindi ka isang himala

O kay sarap isipin mga bagay na gusto natin

 Mga nais mong marating masaganang buhay ng pating

Makatapos sa eskwela magkatrabaho’t magkapera

Masaganang buhay ng pamilya, habang ang iba’y nagkakandarapa

Ang nag-aalaga ng pagkain mo, magsasakang walang makain kundi damo

Pahingahan mong kutson sa iba ay karton at sako

Mga itinuturing mong basura sa iba ay pera

Mga itinuturing mong kulang pa sa iba ay sobra na

Ang sinasabi mong tama, marahil mali sa iba

Kung hindi ka nakikinig sa sinasabi nila

Kelangan mo ring mamili sa dalawa

Huwag kang pumagitna baka maipit ka

Ang tanong ay ang yumayakap sa kalawakan

Katanungan  ang naghahatid ng kasagutan

Kasagutan ang naghahatid ng kaalaman

At ang kaalaman ay ang naghahatid sa mas marami pang katanungan

Magtaka ka.

Magtaka ka.

Magtaka ka

Kapayapaan nga ba ang hangad mo, di ka nga marunong sumunod sa batas trapiko

Sinusunod mo nga ba ang batas dahil hangad mo ay katiwasayan o dahil takot ka sa kaparusahan

Katalinuhan nga ba ang taglay mo,  ba’t hindi ka marunong makidama sa paligid mo

Nakikinig ka nga ba sa mga sinasabi ko, ba’t hindi ka makatingin sa mga mata ko

           

 Ang sinasabi mong tama, marahil mali sa iba

Kung hindi ka nakikinig sa sinasabi nila

Kelangan mo ring mamili sa dalawa

Huwag kang pumagitna baka maipit ka

Ang tanong ay ang yumayakap sa kalawakan

Katanungan  ang naghahatid ng kasagutan

Kasagutan ang naghahatid ng kaalaman

At ang kaalaman ay ang naghahatid sa mas marami pang katanungan

Ang mahika ng pagtataka ngayo’y nasa pinto na

Kinakatok ka ng kaba upang ikaw ay magtaka

Gumawa ka’t maglikha ng di tulad ng iba

Patunayan mong hindi ka isang himala

Ito nga ba ang problema ng mundo

Kahirapan karahasan o ang hangal na karamihan

Hindi gagawa kung walang nawawala

Hindi magbibigay kung walang namamatay

Hindi kikilos kung hindi ikaw ang binabatikos

Magtaka ka.

Magtaka ka.

Magtaka ka

Dahil mahal ko ang Pilipinas

Diringgin ko ang payo ng aking magulang

Susundin ko ang tuntunin ng paaralan

Tutuparin ko ang tungkulin ng isang mabuting Pilipino

Sa isip sa salita at gawa.